السبت، 24 يناير، 2009

بشائر الرئيس الأمريكي الجديد تهل علينا من جديد

لا شك أن تعيين الرئيس الأمريكي الجديد أوباما لعضو الكونجرس الأسبق جورج ميتشيل مبعوثاً خاصاً للشرق الأوسط نقطة فارقة في طريق المفاوضات بالشرق الأوسط ، فهذا الرجل الفذ والمفاوض الماهر والذي قاد التفارض التاريخي في أيرلندا الشمالية عام 1998 وكذا كان له أدوار تاريخية وصادقة إبان عهد الرئيس الأمريكي السابق كلينتون فيما يتعلق بالمفاوضات الإسرائيلية الفلسطينية وتقاريره التي كانت القوة والأساس الذي بنيت عليه اتفاقية خارطة الطريق لحل القضية الفلسطينية ، وهذا ما دعا إسرائيل للغضب وحساب الأنفس بدقة وبدون تهور علي أى خطوة قد تقدم عليها من الآن وصاعداً ، وهو ما يمثل لنا معشر العرب آفاق رحبة جديدة قد تكون بادرة خير لأمريكا الجديدة في علاقتها مع قضايانا الملحة في الشرق الأوسط .. ونعود لنقول الله الستعان .

هناك 15 تعليقًا:

  1. مشكلتنا أننا نعتمد علي أشخاص يا أحمد لكي نحل مشاكلنا ,
    يا عزيزي انت الي هتنصرر نفسك متستناش واحد يجيلك من بره ويحلهالك .
    لو صدقت في كدا تبقي بتدحك علي نفسك

    ردحذف
  2. من قال ياكريم .. أن الكلام هنا على أن نعتمد على الغير .. بص العملية السياسة معقدة ولا تعتمد على فرد وجهة واحدة بل هناك أطراف عديدة مؤثرة فيها وكلما تحسن موقف الأطراف المشاركة كلما تحسن الموقف فى إدارة العملية لأطراف النزاع

    مثلاً فى مفاوضات مصر الشاقة مع اسرائيل فى اتفاقية كامب ديفيد .. خاضت مصر مفاوضات صعبة للغاية ولا زلت أذكر تفاصيل وتفاصيل مؤثرة للغاية مما قرأته عن تفاصيل ومراحل فى عملية التفاوض فى مذكرات العديد من القادة العسكريين على وجه الخصوص إبان تلك المرحلة ، ولكن ساعد مصر على إتمام تلك الإتفاقية بتلك الصورة المرضية لمصر والتى جلبت لها كل حقوقها غير منقوصة هو هذا الراعى الأمريكى القوى والذى قاد المفاوضات بين الطرفين واستطاع أن يؤثر على صانع القرار فى إسرائيل للتسليم والقبول لكثير من الرغبات المصرية ولانود أن نضحك على أنفسنا بمقولة الحرب فلم نكن مستعدين لأى حرب جديدة خصوصاً بعد إنهاك الجيش المصرى تماماً فى المعركة الخالدة ب 73

    ردحذف
  3. الراعي الأمريكي هذا ذهب ولن يعود يا أحمد ,
    سيبك من العمليه السياسيه والكلام ده , فين نتيجه واحده مرضيه من ساعة ما اسرائيل دخلت فلسطين ؟

    ردحذف
  4. بالعكس ياكريم الراعى الأمريكى قوى للغاية وفلسطين هى قضية الفرص الضائعة .. عندك اتفاقية أوسلو 92
    والحل السلمى الذى كانت فى طريقة للإتمام بين فلسطين ورابين لولا إغتياله ، وهناك فى عام 2000 فرصة ضائعة أخرى ... وغير هذا هناك فرص كثيرة ضائعة والسبب فيها فلسطين ياكريم ، للأسف الفصائل تفسد كل خطوة .. ياابنى فلسطين قضية الفر الضائعة ومن أهله ذاتهم ، هؤلاء لو توحدوا مرة واحدة على كلمة واحدة لكانوا نالوا استحقاقات كثيرة ولكنهم للأسف لا يعرفون هذا المعنى ، وكل فصيل يرمى الآخر بالخيانة والخنوع ولا يقدم هو الآخر شىء فاعل لقضية فلسطين ولشعب فلسطين المسكين والواقع بين سندان مطرقة الفصائل الفلسطينية .
    الله غالب

    ردحذف
  5. يا ابني مفيش حلول سلميه , والله استحاله وحلفان اتحاسب عليه , والكلام ده فاضي صدقني , وتعالي قابلني يا عم لو حصل حاجه .
    انا معاك ان في انقسام فلسطيني فلسطيني , بس من ناحية حل سلمي دي انسي .
    كلوا بيتفرج يا ابني كانوا فيلم , ومستنين النهايه .

    ردحذف
  6. شوف ياكيمو ليس فى السياسة خاسر دائماوفائز دائما .. دائما هناك مكسب وخسارة

    مثلا كيف استعدنا سيناء ؟
    وكيف استعادت مصر طابا بعد مفاوضات شاقة استمرت لسنوات بعد موت الرئيس السادات ؟
    بالسياسة ياكريم

    أحيانامثلا قد يظن هذا الفلان ويقول لماذا مصر أعطت اسرائيل حق المشاركة فى اتفاقية تجارية معينة ، ونقول له لأن هناك مقابل آخر ستحصل مصر عليه ... هكذا السياسة ياكريم .. عملية معقدة للغاية ولعبة مصالح قد تكون أصعب أحيانا من الحروب وقد تكون أسهل والرك على الشاطر اللى هيديرها
    عارف الفرق بين جمال عبد الناصر ومبارك والسادات ايه ؟
    ان الأول كان بيستخدم السلاح والمعارك فقط لترويج مشاريعة وللأسف استخدمها بصورة عنترية أضرت مصر حتى انه كان عاوز يسوق للوحدة العربية بقوة السلاح زى ما عمل فى السعودية للأسف وفشل واليمن وغيرها من الدول العربية
    أما السادات ومبارك وخصوصامبارك سعوا لترويج مشاريعهم بالسياسة فكان لهم ما أرادوا فى كثير من المشاريع
    بالمناسبة أنا أحب عبد الناصر وكل فرد له زلات وأخطاء فلسنا معصومين

    ردحذف
  7. حلوه كلمة السياسه , طريقه كدا عشان يبقي اسمهم بيعملوا حاجه , يا ابني الي اتاخد بقوه عمره ما يرجع بالسياسه .
    وبيني وبينك السياسه يا عم لو حصل حاجه .

    ردحذف
  8. عجبى عليك ياكريم ..... يعنى هو سيد الأنام محمد رسول الله وسلامه عليه حينما عقد صلح الحديبية مع اليهود وكان به شروط مجحفة للمسلمين واعترض الصحابة على تلك الإتفاقية وأصر أشرف الخلق عليها ، وقد كان بعد سنوات علموا كيف كانت فطنة سيد الخلق ، ألم تكن تلك سياسة ياكريم ؟

    احنا عاطفيين وعنتريين زيادة عن اللزوم ياكيمو ... انت زى ما تكون بتصورلى مثلالو أنت رب بيت وجالك ابنك الصغير يشتكيلك من أخوه علشان ضربه تقوم انت تروح على ابنك التانى وتقوم لافعة العلقة وترجع تقول اللى اتاخد بالقوة ميرجع إلا بالقوة ... لأ طبعاأمال هو ربنا خلق عقولنا ليه ؟!
    علشان نسخرها للعراك والقتال فحسب .. يجب أن نعى حساب المعارك وردود الأفعال وقدراتنا وطموحاتنا وأنسب السبل لتحقيقها ومن ثم نتحرك فى ضوء المعطيات المتوفرة ياحج كيمو

    ردحذف
  9. ارجوك يا أحمد لا تقارن سياسة سيدنا مُحمد بسياسه الدول العربيه , هناك ملايين من السنين الضوئيه بين السياستين !!
    الموضوع مش تعاطف او عنتريه , وهي فين العنتريه دي دول بيتكلموا بالعافيه وكويس ان هما بيتكلموا .
    وكمان المثال الي انت قولته ده بين أشقاء , والمعركه هنا بين أعداء .
    انا مبقولش يالا بينا كلنا نحارب , الحرب هتيجي هتيجي دلوقتي او بعدين , فلسطين مش هترجع يا ابني غير بالحرب .

    ردحذف
  10. بص ياكيمو .. من الآخر مشكلة فلسطين والحصول عى كامل الأراضى المحتلة أمر لن يأت إلا بالسلاح ، أما ما نتحدث عنه الآن هو الحق الادنى لدولة فلسطين والتى تستطيع أن تقيم عليه دولة شرعية ومؤسسة وهو غزة والضفة الغربية وعاصمتهم القدس الشرقية ( حدود 67 ) هذه هى الحدود التى يؤيدا العالم أجمع واسرائيل ذاتها على استعداد للحل على أساس تلك الحدود ، احنا بنقول للفسطينين خدوا دول ولما تبنوا نفسكم وتشدوا حيلكم خدوا انتم الباقى بقى ... بس الفلسطينين مش عاوزين وبيقولوا ياكل الأرض يالأ ... طب هل ياترى هم عارفين ياخدوا خمس الأرض بقوة السلاح من الأساس ؟

    ولا عشره حتى ....

    ومن الآخر ياابنى مفيش حروب وانتصارات بدون جيش مصر .. كل العرب زعماء خطب وعنتريات فارغة .. زى الأخوة فى سوريا من 73 بيرموا مصر بالخيانة لأنهم تفاوضت مع اسرائيل وحصلت على كامل حقوقها مع ان السادات عرض على الأسد قبل ما يذهب للكنيست اشراكه فى العملية التفاوضية وكان هيحصل على كامل حقوقه لكنه أبى وحاليا بيتفاوضوا مع اسرائيل ، وفى نفس الوقت شغل خطب عنترية وأراضيهم محتلة ولم يطلقوا صاروخ واحد لاستعادتها أو حتى لم تقابل مقاتلاتهم المقاتلات الإسرائيلية التى وصل بها الحال أن تطير فوق قصر الرئاسة السورى دون أن يقابلها أحد من عامين ، وتقول لى حرب وعنتريات فارغة ... وبعدين مادمت لا تود مقارنة زمن الرسول المصطفى بالحالى فمن باب أولى ألا نقارن هذا الزمن بزماننا فى كثير من الأمور
    ولا هو حلال على بلابله الدوح ... حرام للطير من كل جنس
    سلام ياكيمو ياتاعبنى .. النت زبالة ومع ذلك بخش أرد عليك ياقاهرنى

    ردحذف
  11. بص يا أحمد , استحاله اسرائيل توافق علي قيام دولة فلسطين , حربهم دي اساساً قايمه علي اعتقاد ديني وان دي كلها اردهم وتمتد من النيل للفرات , فانسي ان هما يكونوا عايزين يبقي في دوله اسمها فلسطين .
    الأنشقاق ده احد العوامل الي بتئدي للضعف الي احنا في ده دلوقتي , وده سهل علي ناس هزلاء زينا .
    بالنسبه بقي لجيش مصر , فنا بقولك يا حج أن جيش مصر ده مش هيعمل حاجه , ده زينه كدا مجرد زينه حاطينها في مصر بس , وانا مبقولش ان مصر وحشه والباقي حلو وميه ميه انا بقولك كلهم كلهم من نفس العينه .

    ردحذف
  12. جميل جداً الأنجازات الي احنا حققناها , لكن فين جيشك ده يا أحمد دلوقتي والناس بتدبح هناك ؟ متقوليش جيش مصر لحماية مصر , احنا كلنا مسلمين .
    يا أحمد يا عزيزي مفيش حاجه اسمها قوميه عربيه في حاجه اسمه أمه اسلاميه , فين العرب والمسلمين كلهم وهما واقفين بيتفرجوا عليهم , والي بيعملوه انهم بيبعتلهم اكل وشوية حاجات تانيه , كلهم انا مبدافعش عن حد وحد لا .
    يا اخي مفروض يختشوا علي دمهم ويقولوا كلمه .
    ابو الغيط ده ........ ربنا يعافيه .

    ردحذف
  13. ياعم كريم افهم حاجة بقى

    احنا مش مطالبين نتحمل أخطاء الغير كل مرة .. كفاية لحد كده أوى
    احنا بنساعد وكل ما هنبقى نخلص ونوصل لنهاية جزء من خطة تيجى الفصائل تفشله وآخرها كان مؤتمر المصالحة اللى كان مقرر عقده فى نوفمبر الماضى وحماس انسحبت منه قبل ما يبدأ ب 3 أيام بأمر من إيران
    وبعدها بأيام اعلنت انتهاء الهدنة مع اسرائيل رغم تحذير مصر لها من عواقب انهاء الهدنة وهى ذاتها كانت تعلم العواقب ولكنها لم تستمع لصوت العقل واستمعت لصوت الثعبان الإيرانى الذى أوهمها أن سيحارب معها هو وحزب الله وادوها مقلب وكل ده علشان إيران تجر رجل مصر لحرب مع اسرائيل .. علشان تنفذ إيران مخططها التوسعى

    ياابنى اللى حصل فى غزة عمره ما كان هيحصل إلا بوجود ذرائع لإسرائيل مثل إلغاء الهدنة والصواريخ الصفيح اللى بيطلقوها ولا بتودى ولا بتجيب ...

    ياكريم الأطفال والنساء والشيوخ اللى ماتوا فى الغزو البربرى الإسرائيلى احنا متألمين لهم ، لكن معندناش استعداد ندمر نفسنا تانى على الأقل فى الوقت الحالى علشان غيرنا يعيش .. ومن باب أولى فاللى ولع النار يطفيها

    ردحذف
  14. بنتألم , طب عملنالها ايه ؟
    يا أحمد , صدقني كل واحد هيتسل انت قدمت ايه لغزة والمسلمين قدامك بيموتوا .
    هنيجي نقول احنا كنا بنتألم .
    والصواريخ الصفيح دي تعتبر رد ولو بنسبه واحد لميه ,
    وانت معندكش استعداد تدمر نفسك , لو كل واحد قالك نفسي نفسي
    هيخلصوا الفلسطنين وهيجي الدور علي الباقي .
    يا عزيزي دي حرب دينيه وحلم إسرائيل من النيل للفرات , فانسي ان المفاوضات والكلام ده يجيب نتيجه .

    ردحذف
  15. ياابنى انت مش قادر تستوعب ليه ؟

    احنا دولة خارجة من حروب مكملتش 35 سنة ومفاوضات لإسترجاع أرضها مكملتش 20 سنة وده فى عمر الدول والحضارات فترات زمنية قصيرة جداً .. محتاجين نبنى دولتنا ونعمرها .. علشان نقدر نستمر ونقدر نخش أى صراع واحنا أقوياء احنا شعبنا 81 مليون يعنى يعادل حجم سكان دول المشرق العربى بأكملها .. كل العدد ده محتاج يعيش ومحتج اقتصاد قوى يتحمله ، وبعد الحروب مفيش حد بيرحم ولا بيسأل فينا وحرب 73 أقرب مثل ،

    وبالنسبة للفلسطينين يابنى لا يغير الله ما بقوم حتى يغيروا ما بأنفسهم .. مصر عملتلهم اللى محدش عمله وحتى هذه اللحظة بتعمل لكن الفلسطينين ذاتهم اللى بيفرطوا فى حقوقهم بالخيانة أو بالإنفصالات والخلافات الداخلية أو بالعنتريات

    وبتقول اسرائيل مش بتاعة مفاوضات ... ياابنى اسرائيل مجبرة على التفاوض .. وسؤال اشمعنا نفذت أغلب بنود الإنسحاب من سيناء ياعم كريم .. واشمعنا دخلت مع مصر مفاوضات سياسية صعبة جداً جداً فى استعادة طابا وقدرنا نستعيدها ؟

    ردحذف

(مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد)

ملحوظة: يمكن لأعضاء المدونة فقط إرسال تعليق.