الاثنين، 18 يناير، 2010

تدوينة صوتية عن زيارة الرئيس مبارك لكفرالشيخ

أطرح عليكم تدوينة صوتية عن زيارة الرئيس مبارك لمحافظة كفرالشيخ بالأمس  ومجمل افتتاحاته ومؤتمره مع القيادات الشعبية ومجمل ما حواه من تصريحات ومنها قوله بأن ادعاءات حماس بتغيير مصر لبنود ورقة المصالحة كذب وتضليل، وكذلك صرح للمرة الأولى عن أنه أنقذ غزة في أواخر عهد شارون من اجتياح لها حينما أرسل لشارون رسالة في منتصف الليل قائلاً له فيها " وصلتني أخبار أنك تنوي اجتياح غزة في الصباح وأنا أنصحك بألا تفعل ذلك " وعليه قام شارون بإلغاء الاجتياح .
أتمنى أن تلقى التدوينة القبول وعذراً لاي خلل لإرهاقي أثناء التسجيل ومستعد لأي استفسار 
لتحميل التدوينة من هـــنـــــــــا
لمستخدمي أنظمة تشغيل ميكروسوفت ويندُز : إن لم تستطيعوا تشغيل الملف نظراً لأنه بصيغة حرة وهي ogg 
فقوموا بتحميل هذا البرنامج الذي سيغنيكم عن أي برنامج آخر لتشغيل كافة ملفات الصوت والفديو  إن شاء الله
هذه صورة لمن طلب للبوابة الرئيسية لجامعة كفرالشيخ وبالمناسبة تلك البوابة تفتح بالكهرباء وهي تقريباً حسب ظني أول بوابة تفتح بالكهرباء بكفرالشيخ ، وكذلك فكل بوابات الجامعة على نفس تصميم البوابة الرئيسية لكن على حجم أصغر  

هناك 10 تعليقات:

  1. على ابراهيم محمود الجبالى18 يناير، 2010 9:18 م

    أهلا بيك يا أحمد
    تحليل رائع منك وتستاهل عليه التحية كمان
    وسلامتك وخلى بالك من صحتك عشن هى أهم حاجة خاصة بالواحد
    وبصراحة أنا كنت أسمع عن مشاكل الصيادين اللى فى كفر الشيخ وكنت شوفت مرة حلقة للمحاور مفيد فوزى عن المشاكل ديه وكانت حلقة مميزة وكانت بتتكلم عن سطوة التجار الكبار على الأسماك اللى فى البحيرات
    وكانت مشاكل كبيرة وصلت أن فى صيادين قالوا أنهم بيتهددوا بالقتل وكلام كبير جدا

    بس الصراحة أنا عمرى ما روحت كفر الشيخ
    بس كل الل كنت أعرفه عنها أن جامعة هندسة طنطا ليها فرع فى كفر الشيخ وكان فى ناس زمايل ليا كانوا فيه
    بس مش عارف هما عملوا جامعة مستقلة ولا لأ
    بس من فترة أنت كنت حطيت فيديو بيوضح أستادات للطلبة وأراضى خاصة بالطلبة عشن يمارسوا فيها الالعاب الرياضية
    وده حاجة صعب تلاقيها فى أى مكان تانى فى مصر الصراحة يعنى

    ونسيت أقول أن الريس أهوه صحة وشباب أهوه ,يا ريت نكون كلنا عندنا ربع النشاط اللى عنده
    :)

    ردحذف
  2. الله يحفظك وينصرك ويبارك فيك وفي صحتك

    ردحذف
  3. أحمد بخصوص الموسوعة الشعرية هى ليست عندى لكن أن أحب أشعار معينة وعموما أشكرك جدا على أهتمامك

    ردحذف
  4. ماعرفتش اعمل حاجه خاااااالص

    سلامي

    ردحذف
  5. على يا غالي .. تسلملي يا رب .ز جامعة كفر الشيخ استقلت وأصبحت جامعة جميلة وتم بناء مبنى جديد لكلية الهندسة وافتتح هذا العام وكل الكليات تم هدمها وإعادة بنائها .. الجامعة فخمة جداً جداً جداً هضع صورها هي الأخرى

    فكر في يوم تنزل كفر الشيخ يا علي ولم الشباب الجمال بتوع موقع حسام حسن وفكر تجيلي وأنا هضيفك في البلد حيث الفطير المشلتت والعسل إن شاء الله

    ربنا يدي الريس الصحة

    ========================
    الفاضلة : سمراء .. الله يحفظك يا رب

    ==================
    مدام منى : العفو ده أقل واجب بس مش عارف هل حابة تملكيها ولا لأ
    أولاً طرحها للتحميل المجاني قانوني لأنها مطروحة مجاناً وهو موسوعة شعرية ضمت كل الأشعاء من أول العصر الجاهلي حتى الشعراء الذين ماتوا قبل عام 1952 .. هي كنز الحقيقة .. لو مرحبه تحمليها أبلغيني لو تحمليها مرهق عليك مفيش مشكلة خالص .

    ==================

    مدام شمس : مفهمتش من ردك شيء الحقيقة

    تكرموا جميعاً على الزيارة والردود

    ردحذف
  6. الله يبارك فيك يااحمد تحليل رائع ومتميز كعادتك والواقع ان محافظتنا الجميلة شهدت مؤخرا طفرة فى كل شئ واصبحت لها مكانتها على مستوى محافظات مصر فأنا الحظ التطور والتغيير المستمر بها الذى يسير على قدم الوثاق ليس فى المراكز والمدن الكبرى بالمحافظة فقط وانما على مستوى القرى ايضا ومنها قريتى انها بحق محافظة الامل والمتستقبل ولكننا نطمع فى المزيد من التنمية والتقدم فهى بحق محافظة الامل والمستقبل
    دمت بكل خير

    ردحذف
  7. جزاك الله كل خير مجهود رائع منك

    ربنا يزيد ويباك فى تطورات كفر الشيخ وتستمر على كدة إن شاء الله

    ردحذف
  8. الفاضلة : مها
    الحمد لله على ما حدث وإن شاء الله من أحسن لأحسن ونتلافى أي أخطاء ونحن مع النقد البناء لكي نصوب أي أخطاء ونرصد أي تجاوزات فطبيعة النفس البشرية ليست معصومة من الخطأ

    وأنا حابب أقلك إن قرى مصر بصفة عامة بدأت تتغير
    يا مها افتكري من عشر سنين لما كانت الكهرباء بتقطع كانت بتيجي امتى .. بلاش والله العظيم أنا فاكر من أقل من عشرين سنة مكنش في كهرباء بمعنى الكهرباء في قرية جدي وأخوالي .. الدنيا اتغيرت
    اللي عاوز يركب تليفون تاني يوم بيكون راكب عنده والنت والمياه حتى الصرف الصحي بدأ يوصل للريف وخطة الدولة إن مع نهاية العام القادم تكون 25 % من قرى مصر انتهى مشروع الصرف الصحي بها .. على الرغم من إن مفيش دولة في العالم بتهتم بإنشاء خدمات الصرف الصحي في القرى حتى بريطانيا وأمريكا وأتحداكم
    مش كده وبس ده في دول من اللي عماله تغني علينا اليومين دول وهي قطر لسه مدخلسش مدنها الصرف الصحي وشغالين بالأنابيب

    على فكرة قرية والدي ( حوين بمركز الرياض بكفر الشيخ ) قارب إدخال الصرف الصحي بكامل القرية على الانتهاء وللحمد الحمد

    الناس مش مقدره النعمة والطمع غلبها وعاوزه تكسب بأقصى سرعة

    وناسيين إن ربنا سبحانه وتعالى يقول في كتابه الكريم " لَئِنْ شَكَرْتُمْ لَأَزِيدَنَّكُمْ "

    شكراً يا مها على المشاركة
    ======================

    أم بويه
    وجزاك يا رب

    يا رب يا رب ومش كفر الشيخ بس .. كل شبر في مصر

    تكرمي يا أم هبه .. أعتقد بنتك اسمها هبه .. بيني وبينك بوبه ثقيلة على لساني
    ربنا يحفظها لكِ إن شاء الله

    ردحذف
  9. الحمد لله على كل حال يااحمد واناكمان قريتى على وشك الانتهاء من مشروع الصرف الصحى لك ان تتخيل احوال القرية قبل البدء فى هذا المشروع لكن الحمد لله فعلا معك حق انا اتذكر لما كانت تنقطع الكهرباء كانت تقطع من الصباح الى المساء فى كثير من الاحيان اما الان فالوضع مختلف فهناك انجازات وتنمية فى كثير من القطاعات لا ينكرها الا جاحد والحمد لله على نعمه الكثيرة التى لا تعد ولا تحصى
    تحياتى

    ردحذف
  10. عيون المها29 يناير، 2010 6:56 م

    السلام عليكم اهلا احمد ميرسى ع كلامك ومشاركة الى فعلا بفكر فيها وهبدأ انشالله وبشكر الاستاذ محمد الى شارك برأية ومشاء الله تحليل رائع وانشالله ف تقدم ربنا يوفقك ويوفق الجميع

    ردحذف

(مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد)

ملحوظة: يمكن لأعضاء المدونة فقط إرسال تعليق.