الأحد، 17 يناير، 2010

الرئيس مبارك اليوم في محافظتي (كفرالشيخ)

يقوم الرئيس مبارك اليوم بزيارة هامة لكفرالشيخ وستشمل افتتاحاته مشروعات ضخمة بثلاثة مدن هي العاصمة مدينة كفرالشيخ وكذلك مدينتيّ بلطيم ومطوبس 
وسيقوم الرئيس بعقد مؤتمر جماهيري مع الفلاحين وقيادات المحافظة بمبنى المحافظة وهذه صورة لهذا المبني 

مدينة كفرالشيخ بالمناسبة مدينة هادئة وسأضع صور لمختلف مناطقها لاحقاً إن شاء الله
سأتابع الزيارة وأضع تقريرًا عنها لاحقًا إن شاء الله 
منذ دقائق ( في تمام 12.56 دقيقة ظهراً ) مر موكب الرئيس مبارك من أمام منزلي ههههه  عبر هذا الميدان مُتجهاً لمدينة بلطيم ليفتتح ميناء الصيد ببلطيم

سأضع تدوينة صوتية عن الزيارة غدًا إن شاء الله

هناك 24 تعليقًا:

  1. أيوه يا عم ربنا يسهل لكم ... الرئيس معدي من قدام بيتكم D:
    في انتظار التقرير
    و لا عليك إن أخرت التدوينة فأنا مقدر انشغالك هذه الأيام و لكن لا تنسانا(: ..قواك الله و نفعك و نفع بك .

    ردحذف
  2. ههههههههههه

    أيوه يا سيدي تعرف الموكب المرافق له كان ضخم جداً وكان به سيارات الحراسة ورأيت من البلكون القناصة يؤمنون الموكب من السيارات وكلنا ظننا أن الرئيس معهم

    بس خدعنا كلنا واتضح انه كان راكب الهليكوبتر في الجو وعدى بعد الموكب بدقائق من فوقنا
    حركة مناورة يعني
    بس الموكب اللي كان ماشي على الأرض كان فيه أحمد نظيف ووزير الدفاع أعتقد كان في الطائرة الطوافة الأخرى التي كانت مع طائرة الرئيس

    المهم سأعلق على أسئلتك وأطروحاتك في التدوينة الصوتية التي سأتحدث فيها عن الزيارة غداً إن شاء الله

    تكرم على الزيارة

    ردحذف
  3. طيب
    سييييين سؤال

    هل كلها نظيفه ام الشوارع الرئيسيه فقط

    والجانبيه ياله السلامه

    سييييين سؤال

    هل هي نظيفه علشان الريس
    والا اهلها بيحافظوا عليها
    والا المحافظ شخصيه

    جيييييم اجابه
    فين بقا


    :)
    سلامي

    ردحذف
  4. ج جواب : مدينة كفر الشيخ ذاتها أغلب الأحياء بها بنيت بصورة هندسية منظمة يعني مع أي لمسة جمالية هتظهر بورنق جيد ومقبول جداً

    أغلب الأحياء بهذا الشكل منظمة ونظيفة بالطبع أحياناً قد لا تري الجو المثالي في الشوارع الرئيسية لكن بكل الأحوال مقبول جداً ومقدرش أقول إنه تلوث وإن في تراكم للزبالة بالمرة

    في مدينة كفر الشيخ حوالي 3 أو 4 أحياء عتيقة وهي أساسا كفر الشيخ وتكثر بها العشوائية
    لكن هذه الأحياء بدأت تتخلخل ومن حوالي عشر سنوات كان مجلس المدينة بيفرض على كل واحد بيهدم وبيعيد بناء ترك مسافة جديدة من منزله للشارع فبدأت الحواري توسع وتبقى شوارع وبدأت العملية تنضبط كثيراً وأنا شخصياً أتوقع كمان 10 سنين هيكون الوضع اختلف بالنسبة لهذه الأحياء

    لكن بصفة عامة أغلب شوارع كفر الشيخ منظمة ونظيفة

    من ناحية النظافة وحالتها .. سلوك المواطنين بيتطور مع الوقت أنا في الحي الذي أسكن به لو قلت لكي أني من عامين فقط كان سلوك الناس مختلف تماماً ومع الوقت الناس لما بتلاقي تطور وشكل نظيف وطرق ممهدة وأرصفة هي الأخرى بتجبر من تلقاء نفسها على احترامه .. أنا هقلك على حاجة .. والله العظيم أنا فاكر إني أنا ومجموعة قليلة من الناس كنا حريصين على نظافة المكان واي شخص كان بيرمي أو بيلوث كنا بننهره وأحيانا كثيرة مكناس بنشوف رد فعل مناسب لكن لما تم تنظيف الحي بالكامل من عامين الناس اتغير سلوكها بدرجة كبيرة

    الخلاصة الوضع هنا إيجابي مش هقلك الصورة وردية لكن حسب معدلات الأداء فهو إيجابي جداً

    وعلى فكرة لقاء الرئيس اليوم في المحافظة كان قوي جداً وفضح حماس وقال كلام أول مرة يقوله
    هنزل بكره تدوينة صوتية إن شاء الله
    وهنزل صور وفديو تبين مدينة كفر الشيخ علشان خاطرك كلها إن شاء الله

    ردحذف
  5. حاجة تانية صحيح لو في يوم حبيتي تروحي اسكندرية فكري تيجي من طريق اسكندرية الزراعي علشان تعدي على كفر الشيخ وتشوفي مدخل كفر الشيخ .. وأنا أجزملك انك هتجدي أفضل مدخل لمحافظة على مستوى الجمهورية

    ردحذف
  6. دكلامك صحيح لاني في زيارتي للاسكندرية في شم النسيم
    كنت راكب الطريق الزراغي (علي ما اعتقد شرق الدلتا ولا غرب والله مش فاكر)
    بصراحة الاتوبيس مكش قد كده والطريق كان طويل
    بس كانت متعه اني عديت علي مدن كتيره
    منها طبعا كفر الشيخ الي كانت افضل مكان
    وطبعا كان فيه البحيره الي حسيت فيه اني في سوق الجمعه هههههههههههههه
    بس كانت متعه والله يا احمد

    خالد

    نسيت اقولك مبروك اني مبارك عد من عندكم
    عقبال الي في بالي

    ردحذف
  7. ماشاء الله معلوماتك بالنسبالى جدييييييدة جدااااا مع إنى من نفس المحافظة

    ردحذف
  8. واجب ايه بس
    كفاية الواجب الي انتا بتكتبه كل يوم
    ده انا تعبتلك من كل الي انتا بتكتبه

    يا ريت بس تخطف رجلك وتعدي عليا في المول

    اشوفك بس علشان انتا وحشني
    وكمان اشوف جسمك لانك لظلظت خبتين
    ايام عين شمس كنت عود قصب

    ههههههههههههههههه

    يا ريت تعدي بالمره تشوف الدنيا فيها ايه

    ردحذف
  9. هههههههههههه

    احسد بقى .. نصيبك بقى يا خالد هفضل أضايقك كتير يا صديقي

    هعدي قريب إن شاء الله ، وبعدين ولا لظلظت ولا حاجة أنا خاسس حتى يا ابن الحلال وصثحتى اليومين دول مهترئة

    هشوف في جديد عندكم في الشركة ؟

    ردحذف
  10. عيون المها20 يناير، 2010 3:36 م

    مشاء الله والله انجاز كويس انا من كفرالشيخ والطيارات يومها كانت بتلف طول اليوم

    ردحذف
  11. هذا من فضل الله
    من وين من كفرالشيخ يا عيون المها

    ردحذف
  12. عيون المها23 يناير، 2010 5:17 م

    مشاء الله ربنا يزيدك انا خريجة خدمة اجتماعية 2007 واتمنى بجد اشتغلت بالمؤهل بتاعى

    ردحذف
  13. ثقي بأنك لو أردت أن تعملي بمؤهلك ستعملي يا عيون المها
    فقط طوري مهاراتك وثقي في قدراتك وتقدمي وعارفي وأوجدي لنفسك مكان يا عيون المها

    لأنه لن تأتي إليك وظيفة أو مهنة أبداً .. أنت من يجب أن يسعى لها

    دمت بود وربنا يحقق أمانيك يا رب
    وبالمناسبة لو خريجة خدمة اجتماعية كفر الشيخ .. هل تعرفيني ؟ أنا كنت أمين اتحاد الطلاب في سنتك الأخيرة

    ردحذف
  14. عيون المها24 يناير، 2010 6:10 م

    ميرسى ليك احمد اللهم امين ربنا يحقق لنا وليك ةلجميع
    ايوة انا خريجة خدمة اجتماعية كفرالشيخ ايوة عرفتك افتكرتك ربنا يوفقك

    ردحذف
  15. عيون المها24 يناير، 2010 6:11 م

    تقترح عليا بالنسبة لموضوع الشغل دة بحاجة معينة ممكن اعملها

    ردحذف
  16. محمد بسييوني... الكويت24 يناير، 2010 6:26 م

    عارف يا ابوحميد قد ايه كنت فخور لما الرئيس كانت فى محطه بحوث سخا الزراعيه والمهندس امين اباظه وزير الزراعه بيقوله انها اكبر محطه بحوث فى الشرق الاوسط شعرت بالفخر بمدينتي والله جداا...... ... احمد نفسي فى طلب نفسي شويه صور عن كفرالشيخ واخر التجديدات اان بقالي سنه بره مصر وبجد نفسي اشوف الجديد .... والاهم اهم انك تبقي بخير ياصديق.....

    ردحذف
  17. محمد بسيوني.... الكويت---الامارات24 يناير، 2010 6:29 م

    ابوحميد ... بس عاوز ارد على انسه عيون المها ... واسف على كلامى لو كانت فيه احباط اانا حولت فعلا اتشرف بمهنتي الخدمه الاجتاعيه طبعا انا دفعتك خريج 2007 وحولت فعلا اوصل واشرح للناس ايه هيا الخدمه الاجتماعيه وددخلت على الانترنت وجبت تاريخها بالتفصيل وقد ايه اهميتها فى اوروبا ... السؤال بقي اصبحنا فى زمن استحاله العمل بالمؤهل .. صدقني ياحمد فرص العمل هنا بالكويت كأخصائي اجتماعي كتير وجتلي فرص فى الحكومه هنا اكتر من مره بس وقفت معايا على شهاده الخبره وكده عاوز بس اوصل للانسه وليك قد ايه فى الخارج الخدمه الاجتماعيه ده شىء مهم فى حياتنا وللاسف نتعامل معها وكأن الاخصائي هذا شاب عاطل.. اسف على كلامي لكن بدافع الاحباط المسيطر عليا .... تقبلو اعتذاري

    ردحذف
  18. أهلين يا عيون المها
    لن أنصحك بالبحث عن عمل حكومي ...

    لكن على سبيل المثال ما المانع لأن تفكري في الحصول على دراسات عليا وتطوري من مستواكِ وتعملي بمركز خاص ومن ثم تفكري بتأسيس مكتب للاستشارات الأسرية .. هذا على سبيل المثال يا عيون المها .. ابتكري فكرة يا عيون المها .. طالما كان هناك عقل يفكر حتماً ستجدي ناتج
    ويا محمد مجتمعك مجتمع كبير جداً أنت تتحدث عن أكثر من 80 مليون والبلد كانت مشبعة بثقافات مختلفة وكانت هناك أمية وأعباء أخرى كانت أكثر أولوية للمجتمع لذلك فهذا وارد لكن يوجد مراكز تعمل في الحقل الاجتماعي بمصر وهي كثيرة
    لو حابب تتناقش مع عيون المها في أي شيء وهي كذلك وحابين تتناقشوا هنا معنديش أدني مانع فأنا أطمئن لأخلاقك وحسن نواياك بالطبع يا محمد وأهلاً بالجميع هنا في أي نقاش هادف أو حتى منفعة شخصية لأحد غير مضرة أو ظالمة لأحد

    ==============
    بالنسبة لسخا الآن وضعها اختلف يا محمد أمر عليها كثيراً وأرى الأبراج الشاهقة علت وكذلك مدخل كفر الشيخ كله على بعضه اختلف تماماً من بعد القرضا حتى ميدان المحافظة شوف كم كيلو بقى ؟
    واختلاف جذري .. حاجة تشرف فعلاً والاختلاف شامل للمباي على جانبي الطريق سواء محطات البحوث الزراعية أو الحيوانية أو جامعة كفر الشيخ وصنعاء اللي اختلفت هي كمان حتى فيلا المحافظ والمشتل المجاور لها وكل شيء بقى في تغيير يا محمد

    وأنا معك والله شعرت بهذا الفخر الذي صاحب سماعك لحديث وزير الزراعة والرئيس

    إن شاء الله هرفعلك صور لمدينة كفر الشيخ أنا عندي مجموعة وحابب أنزل أصور شوية صور جديدة بس منتظر فرصة مناسبة وهرفعلك عن قريب جداً إن شاء الله .. غالباً الأسبوع القادم في بدايته

    ردحذف
  19. محمد بسيوني.... الكويت ..الامارات... لبنان قريبا24 يناير، 2010 9:24 م

    شكرك يا احمد بس كنت بوضح راي للانسه عيون المها طبعا كلك ذوق واخلاق وشكرا بجد على كل شىء ودعواتك ياابوحميد وفعلا انا بفكر جدا وبكل قوه دلوقتي اني انزل بعد سنتين من دلوقتي او سنه ونص وانزا احضر دراسات عاليا او اكمل الطريق اللى بدأته دعواتك ونصيحك با ستمرار منتظر الصور

    ردحذف
  20. العفو يا محمد وأنت تتحدث وتطرح رأيك كما تشاء وتريد وأتمنى لك الفلاح في خططك وإن شاء الله أفي بوعدي بالنسبة للصور عن قريب

    ردحذف
  21. السلام عليكم ورحمة الله وبركاته
    الى الى الامام دائما يااستاذ احمد

    ردحذف
  22. وعليكم السلام ورحمة الله وبركاته

    الله يحفظك ويبارك فيكِ وبكِ
    شارك لدعواتك الكريمة

    ردحذف
  23. كفراالشيخ نظيفة طول عمرها

    ردحذف

(مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد)

ملحوظة: يمكن لأعضاء المدونة فقط إرسال تعليق.